Memleket basshysy Qazaqstan halqynyń jáne jeke óziniń atynan Salome Zýrabıshvılıdi Grýzııa Prezıdenti laýazymyna saılanýymen quttyqtady.
«О́tken saılaýdaǵy jeńisińiz – el azamattarynyń Sizge degen senimi men qoldaýynyń, sondaı-aq Grýzııanyń jańa jetistikteri men elderińizdiń odan ári órkendeýine degen úmitin Sizben baılanystyrýynyń aıqyn dáleli.
Elderimiz arasyndaǵy dástúrli dostyq pen túsinýshilikke negizdelgen ózara tıimdi yntymaqtastyq halyqtarymyzdyń ıgiligi úshin aldaǵy ýaqytta da nyǵaıa túsetinine kámil senemin» – delingen jedelhatta.
Nursultan Nazarbaev Salome Zýrabıshvılıge zor densaýlyq, amandyq, jaýapty qyzmetine – tabys, al dostas Grýzııa halqyna – baq-bereke tiledi.
